الأحد، 14 نوفمبر، 2010

اصلك علي البر

يمتلكنى الغضب عندما اجد احد الاشخاص يتدخل في قرارتى وحياتي الشخصية

فببساطة شديدة

لا احد يجفف وسادتى  المبللة من دموعي كل ليلة

 

اذن لا احد يملك الحق في ان يتدخل في قراراتى

 

حتي وان كانت خاطئة فيكفي انها نابعه مني

انا قادرة علي تحمل قرارتي لكني لا استطيع تحمل قرار واحد اتخذه احد غيري

 

فالتجارب الشخصية (متشابهه - متباينه)  مختلفة باختلاف الظروف والاشخاص والعقليات ووجهات النظر والتجارب التى مر بها كل شخص

"ويستحيل وجود شخصين مرو بكل شئ زي بعض دا لو توائم هتلاقي اختلاف بينهم"   

فمع الاشخاص لايمكن ابــــــدا  ان نتخذ النظريات العلمية قاعده لحل المشكلات

لان النفس البشرية تختلف اختلاف تام عن المعادلة الكيميائية او الرياضية

 

 

هناك 17 تعليقًا:

محمود(باحث عن حب) يقول...

لا احد يجفف وسادتى المبللة من دموعي كل ليلة اذن لا احد يملك الحق في ان يتدخل في قراراتى

الله عليكى
يا ميكانو
الله عليكى
جميله جدا
جدا
من كلامك انك كان عندك مدونه تانيه
قبل دى
حصل فيها
ايه؟

Dr/ walaa salah يقول...

حلو اوي العنوان وفهمت معناه يا حبيبتي


بجد انا كمان بتغيظني اوي الجمله دي

فعلا محدش له حق انه يدخل في قرارتنا

انا في رأيي حتي لو القرار ده غلط يسيبونا نعمله عشان نتعلم من اخطائنا

امال هنتعلم ازاي بس


مشكوره يا قمر على البوست الجميل

كل عام وانتي بخير

خواطري مع الحياة يقول...

السلام عليكم
مهي دي الكلمة التي يحبوا ان يقولوها
يحبوا انهم يجرحوا الاخرين ويقولوا بالاخير مكنش قصدي اجرحك
ربنا كريم
كلمات جميلة وبجد حاساها انها طالعة من قلبك.
كل سنه وانت طيبة.
تقبلي مروري
سلامي لااجمل وارق بنوتة.

Dr/ walaa salah يقول...

جينا نهني بالعيد ونقول :

يا اللي القمر على نورك سهر
وشروق الشمس لعيونك ظهر
عيدك مبارك يا وجه القمر

Ramy يقول...

ميكانو

عندك حق محدش عارف أنتِ جواكى أيه

محدش يعرف تبعيات قرار ممكن هو شيفه سهل نفسياً عليه

بس عليكِ ميعرفش

علشان هو ع البر حتى لو مر بنفس التجربة


ميهمكيش

قرارتك لن يتحملها غيرك

فلماذا يتخذها غيرك


كل سنة و انت طيبة (:

صيدلانيه طالعه نازله يقول...

كلامك صح
ما حك جلدى مثل ظفرى
و محدش حيخاف عليا اكتر من نفسى
كل انسان ليه ظروفه و احتياجاته
حتى لو المشاكل اتشابهت ظاهريا
اكيد من جواها بيبقى فيه فروق شخصيه
فرديه بتختلف من واحد للتانى

كلامك جميل و معقول جدااااااا

يوميات شحات يقول...

شكرا على البوست

أنا وحماتي يقول...

والله معاك حق
انا اكره اي حد يتدخل في قراراتي
والحمد لله
صحيح باخد رايهم لكن قراراتي نابعة من جوايا واقتناع تام
انت لية اخترت اسم ميكانو...؟

Timo.. يقول...

"يستحيل وجود شخصين مرو بكل شئ زي بعض"
ده رايي من زمان..
تقريبا انا خلصت مدونتك كلها وبدأت اكون فكرة عنك نوعا ما :)

ميـكانـو يقول...

محمود

سعيده ان كلماتي نالت اعجابك

فعلا انا ليا مدونة اخري

حصل اني مش بكتب فيها

ميـكانـو يقول...

د. ولاء

بالضبط .. لازم نجرب ونغلط ونقوم ونتعلم

الحياه ماهي الا مجموعه تجارب يعيشها الانسان

كل عام وانتي بخير

ميـكانـو يقول...

خواطري

وعليكم السلام ورحمه الله وبركاته

طالعه مني جدا .. لسبب اني رافضه اي تدخل في اي قرار يخصني لان بمنتهي البساطة انا اللي بنفذ وانا اللي هتحمل النتيجة مش هما

ميرسي ليكي ياجميله :)

ميـكانـو يقول...

د. ولاء

كل سنة وانتي دايما بخير

ميـكانـو يقول...

رامي

بالضبط يارامي

مرة تانيه

كل سنة وانت طيب :)

ميـكانـو يقول...

صيدلانية طالعه نازله

*****

الفروق بتكون كبيره

مستحيل تكوني قابلتي نفس الشخصيات اللي قابلتها

مستحيل يكون تاثيرهم عليكي زي ما كان تاثيرهم عليا

مستحيل تكون التربيه زي بعض

لازم هتختلف الشخصيات اللي عرفناها

لازم هتختلف النتائج والاثار الايجابية والسلبيه اللي طبعوها علينا

لازم هتختلف تربيه اهالينا لينا

لازم هيختلف تاثير دور المدرسة علينا

كل دا في المجمل هيؤدي ان تفكيري حتي ولو في تشابه فهو مختلف
ان طموحاتي حتي لو في تشابه فهي مختلفه

النظرة للحياه بتختلف

ميرسي ليكي ياقمر :)

ميـكانـو يقول...

انا وحماتي

انك تاخدي راي شئ وان حد يفرض راي شئ تاني

اختارت ميكانو لان حياتنا زيه تجارب بتتحط علي بعضها لو كانت واخده مكانها صح حتي ولو فرضنا فشلها لكن في الاخر بتدي شكل جميل اللي هو الانسان لكن لو اتحطت غلط هتدي شكل مش مفهوم :)

ميـكانـو يقول...

تيمو

تمام :)

ايه الفكرة اللي اتكونت بئا :)