الخميس، 2 ديسمبر، 2010

هتفرق كتير

من اجلى كونى مثلى

كل واحد مننا اخر كل يوم بيحب انه يروح حضن امه .. زوجته .. حضن بيرتاح جواه

وبينسى انه كائن غرته متع الحياه

وبينسي انه كائن تعباه تصرفات عجلة الحياه

وبيفضفض يفضفض ويرمى الحمول اللي تعباه

وبعد دور الحنيه

ينام وهو مرتاح البال

طيب ليه بنروح لانسان مهما كان

هو في الاخر انسان وتعباه الحياه زيه زيك

بجد الفكرة هتريح اوي

كل يوم بليل بعد يوم شغل وصراع طووووويل مع الناس

ودا قال ودا عاد وحصل ومش حصل

وكمان بعد الفروض الخمسه اللي في احيانا فروض مش بتاخد حقها

نيجي اخر الليل قبل النوم بشوق لربنا سبحانه وتعالي ونصلي ركعتين

ونحكيله هو ونشكيله هو ونرمى حمولنا كلها

وننااااااااااااااااااااااااااام

احساس فظيع بجد هتحسوه ومش هتقدرو تنسوه

بشرط نكون صادقين مع ربنا

يعني مش مجرد ركعتين وبس

لا

انت روحك اللي بتصلي مش جسدك

والله هتفرق كتير

 

هناك 12 تعليقًا:

محمود(باحث عن حب) يقول...

موضوع اكثر من رائع
فعلا
الروح هى اللى بتصلى مش الجسد
كلاماتك روعه\
ميكانو

Dr/ walaa salah يقول...

جزاكِ الله خيرا يا حبيبتي على البوست الجميل

فعلا هتفرق كتير

ميـكانـو يقول...

ميرسي يامحمود ربنا يكرمك يارب

ويسعدك دايما :)

ميـكانـو يقول...

د.ولاء
وجزاكي ياحبيبتى

والله والله الفرق هيتحس اوي :)

Timo.. يقول...

مش ها اقول زيك (هاتفرق كتير)
بس ها اقول (بتفرق كتير)
ربنا يهدي قلوبنا كلنا.

بوست...احساسه نقي..
.....
........زيـّك :)

ميـكانـو يقول...

اكيد بتفرق ياتيمو بجد

عرفت انا مين ولا لسه ؟؟

ويكا يقول...

اكيييييييد

اسألكى الدعاء ان يعيننى الله على هذه الوصفه السحريه التى اثق فى نتيجتها من الان ، فالرهان على الله دائماً رابح.

وصفه هايله ربنا يقدرنا على الاخذ بيها وياجرك عليها

SHAPE YOUR LIFE (ABOALI) يقول...

هتفرق كتير فعلا
لان القرب فيه خضوع
فيه اتجاه ورجوع
لمن يشتاق اليك حتى لو تهت فى الربوع

جميييييييييييييل الفكر بهذه الطريقة
تحية لموضوع يذكرنا باءن هناك وميض نور مازال موجود فى الطريق

تقديرى

mena يقول...

البوست اكثر من رائع وعندك حق ف كل كلمة قولتيها فعلا هتفرق كتييييير

تقبلى مرورى وتحياتى ليكى ...منه

vanilla scent يقول...

ويكا

*************

ان شاء الله هدعيلك

وجربها بجد بترتاح جدااا

vanilla scent يقول...

ابو علي

وميض النور هيفضل موجود

الخير باقى دائما

vanilla scent يقول...

منه

اسمك بحبه جدا

نورتينى وياريت تنفذي الفكرة دي بتفرق بجد