الثلاثاء، 13 سبتمبر، 2011

أحلامنا أمانة في إيدينا

 

312253_236232089762790_182706338448699_779483_1398235925_n

يقولون الواقع هو الصخرة التى تتحطم عليها احلامنا

واقول الواقع هو البوابة التى تتحقق بها احلامنا

فبدون الواقع  ستظل احلامنا مجرد خيال يداعبنا

ستظل  احلامنا ذكرى تجتاح قلوبنا

فان وصلت احلامك لعنان السماء

لابد ان تتذكر انها تحتاج للظهور

كى لا تغتال برائتنا  .. كى لا تؤلمنا يوما ما

من يتكاسل عن تحقيق حلمه  .. فلا يلوم الا نفسه ونفسه فقط

لا يلقي بفشله علي ظروف محيطة  أو واقع مرير كما يذكر  البعض

الحلم يحتاج اصرار وارادة

عندما تعلم الام ان في احشائها جنين

تعمل ما بوسعها كى يظهر الجنين الى الحياه

تتحمل عناء حمله تسعة اشهر

كى تطرب اذناها بكلمه ماما

لكن لو كانت يائسة  .. لا تسعى الى تحقيق حلمها

فعند اول المطاف  .. سيقع جنينها فريسه

لفشل امه في المحافظة عليه

ياريت كل حد عنده حلم مش يضيعه مش يكتمه

يحارب ويواصل عشان يظهر للنور

 

الحلم الاخضر محتاج ميه ترويه

طير 2

السبت، 27 أغسطس، 2011

وحدى أنا

122363

وحدى أنا.. عايشه أنا.. في دنيا رسماها أنا

وجود الناس جنبي .. يمكن مطمنى .. أو المنى أنا …

الفرحة ليه بعيده ؟  .. ليه عليا غريبة ! .. رغم شوقى لها

يمكن تكون قريبة .. وعنيا  عنها شريده

ياهل ترى  .. امتى هاحس بيها أنا

امتى اشوف الدمعه نازله من شدة سعادتى أنا

امتى أنسى اللي رااااااااااااااااااااااااح واقول أهو إنتهى

امتى اشوف اللي جاي بعيون بريئة زى ماحلمت أنا

امتى هقول الآآآآآآآآه ووجعها يوصلي أنا

امتى اقول انا طييييييييييير وطاير في سماء الهنا

امتى اعيش احلامىىىىىىىىىىى اللي رسمتها أنا

آآآآآآآ ه منى أنا

وحدى أنا .. عايشه أنا .. في دنيا رسماها أنا

رغم وجود النااااااااس  … بس مازلت وحدى أنا

….

وحدى أنا

28/08/2011 01.11 am

 

الثلاثاء، 16 أغسطس، 2011

رمضان كريم

 

285437_196542303735656_117669581622929_514934_8319923_n

في البداية كل سنة والفرحه جواكم يارب Red rose

كام حد فينا مش في حد اتكلم عليه او اتسببله في مشاكل

اعتقد الجميع

رمضان بحس انه التربية الدينية المباشرة من  ربنا لينا بدون اي وسيط .. العبد وربه .. بدون شيخ .. بدون داعي

في بعض الايات لما تركز فيها اوي تدمع من عظمتها وقوتها

قال تعالى : " الذين ينفقون في السراء والضراء والكاظمين الغيظ والعافين عن الناس والله يحب المحسنين"

وانا نفسي ربنا يحبنى وعشان كدا هعمل اي حاجه ربنا  بيحبها عشان يحبنى

العافين عن الناس : لما قراتها سالت نفسي كام حد مر عليا وظلمنى او اتكلم عليا ( اغتابنى – نم عليا ) اكيد كتير .. طيب في خلال حياتي في ناس انا اعرفهم واعرف هما عملو ايه وفي ناس اغتابتنى وانا اصلا مش اعرفهم … صح

طيب انا اقدر اعفو بسماحه متناهيه عن اللي انا مش عارفه عنهم حاجه واغتابونى لمجرد انهم يسلو وقتهم

طيب واللي انا اعرفهم هل فعلا هقدر اعفو

فكرت ولقتني قسمتهم لاتنين .. ناس ظلمهم كان هين واقدر اسامح لهم من كل قلبي

طيب والناس اللي ظلمتني جدا وضيعت منى حاجات حلوه جوايا وبدلتها بحاجات انا مش حباها فيا  لانها مش من شخصيتى  لانها خلت فيا قناع يظهر .. خلت فيا جزء خايف من الناس .

هل هقدر اسامحهم ؟                        أه هقدر اسامح

لاني بحب ربنا اكتر منهم لان ربنا عوضني عن ظلمهم كتير كتير جدا

لانى بحب نفسي .. ومش احب نفسي تكون شايله من حد او نفسها تاخد حقها من حد

فقررت اني اعلن دا

ومن صميم صميم قلبي بجد

ان اي حد اساء ليا بجد مهما كانت اساءته انا مسمحاه جدا  وبحله كمان من الاساءة دى

اللهم أيما عبد أو أمة من أمة محمد صلى الله عليه وسلم اغتابني أو ظلمني أو بهتني أو قذفني أو قال في ما ليس في فإني قد عفوت عنه وتركتها له

يارب رمضان تكون بداية جديدة ليا وصفحه بيضا للجميع Red rose

 

250099_1872652417783_1285348119_31507565_6401663_n

اللهم انك عفو كريم تحب العفو فاعفو عنا يالله

الثلاثاء، 26 يوليو، 2011

حاله حب

9049.imgcache

مش شرط تكون بتحب

أو قلبك بيدق دق

كفايه بس تغمض عنيك

وتسرح ويا نجوم الليل

وتقول أنــا بحـــب

هتلاقي الكون بئا حب

وهترسم فيه فارس احلامك

من نسج خيالك وامالك

والبحر مداد الوانك

وتغمض عنيك اكتر واكتر

والبسمه علي وشك تظهر

وانت شايفه بيظهر قدامك

بيداعب كل احلامك

ملامحه انت اللي راسمها

تفاصيله انت اللي شايفها

وبياخدك ويروح لبعيد

والموجه رايحه جايه عليك

ولا حاسس بناس او جو

والعصافير حواليك بتطير

وبتعزفلك وانت بترقص

والقمر عاملك جو

والبسمه بتزيد وتزيد

وفي حاله الحب مستمتع

مع احلي اغاني شرقية

انغام بتبعت نظرات

وغادة بتقول اهات

وعمرو بيغني ومالو

ونجاة بتعشق البحر

وفؤاد بيخليك تحلم

وتغمض  عنيك اكتر

والارض بيك بتطير اكتر

وتقول آه لو تفضل 

دا مفيش احلي من كدا دنيا

^^^^

حاولت اوصف حالة الحب اللي بيعشها الناس في احلامها وبتتمنى انها تتجسد وتكون واقع رغم صعوبة تحقيقها الا ان باب السما مفتوح ومش في حاجه بتكبر علي خالق الكون

يارب كل الناس تعيش حاله الحب بكل تفاصيلها واقع مش خيال

الثلاثاء، 19 يوليو، 2011

صمت الغصب

sw_1265501315_328

عند الغضب تجد نوعان من يستطع التعبير عن غضبه ومن لا يستطع

لكن عندما يصل الغضب الى فوهة البركان تجد من يعبر عنه بالصمت

حتي لا يخسر نفسه أولاً  , ثم يخسر غيره 

لكن يظن البعض ان هذا الصمت

ما هو إلا “ قلة حيلة “ أو “ ضعف شخصية” 

لكنهم لا يعلمون  أن هذا الصمت  يخبئ بركان ثائر

فرجاء لا تضغط  كي لا ينفجر

فتحترق منه

^^^
M