الثلاثاء، 26 يوليو 2011

حاله حب

9049.imgcache

مش شرط تكون بتحب

أو قلبك بيدق دق

كفايه بس تغمض عنيك

وتسرح ويا نجوم الليل

وتقول أنــا بحـــب

هتلاقي الكون بئا حب

وهترسم فيه فارس احلامك

من نسج خيالك وامالك

والبحر مداد الوانك

وتغمض عنيك اكتر واكتر

والبسمه علي وشك تظهر

وانت شايفه بيظهر قدامك

بيداعب كل احلامك

ملامحه انت اللي راسمها

تفاصيله انت اللي شايفها

وبياخدك ويروح لبعيد

والموجه رايحه جايه عليك

ولا حاسس بناس او جو

والعصافير حواليك بتطير

وبتعزفلك وانت بترقص

والقمر عاملك جو

والبسمه بتزيد وتزيد

وفي حاله الحب مستمتع

مع احلي اغاني شرقية

انغام بتبعت نظرات

وغادة بتقول اهات

وعمرو بيغني ومالو

ونجاة بتعشق البحر

وفؤاد بيخليك تحلم

وتغمض  عنيك اكتر

والارض بيك بتطير اكتر

وتقول آه لو تفضل 

دا مفيش احلي من كدا دنيا

^^^^

حاولت اوصف حالة الحب اللي بيعشها الناس في احلامها وبتتمنى انها تتجسد وتكون واقع رغم صعوبة تحقيقها الا ان باب السما مفتوح ومش في حاجه بتكبر علي خالق الكون

يارب كل الناس تعيش حاله الحب بكل تفاصيلها واقع مش خيال

هناك 30 تعليقًا:

Rannon يقول...

فعلا يابنتي
بس احنا عاوزين واقع بقى :(

vanilla scent يقول...

اكيد كلنا بنتمنى الواقع

لكن مش يمنع اننا نعيش ونستمتع ونتذوق حلاوة الحب

Timo.. يقول...

مساء معطر بالفانيليا..
اتاخرت كتيييير..
بس في الاخر...جيت..
جيت عشان اغمض عيني واستمتع بتفاصيل الفانيليا اللي باحبها..
واسمع احلى كلام عن الحب..
ربنا يسعد ايامك دايما :)

vanilla scent يقول...

مساء بطعم الفرح

المهم انك جيت :)

:$:$
سعيده انك استمتعت

وربنا يسعدك انت كمان :)

ليس فقيرا من يحب يقول...

ايه الرقه دى يا ناس

نفسى فيها بقى الحاله دى

مليش دعوة هه

ربنا يسعد ايامك ويرزقك بحبيب وزوج يقر عنيكى وقلبك

vanilla scent يقول...

انتي اللي رقيقه

بصي ياقمر

اول حاجه روحى في اوضه مش فيها حد او في بلكونة وخلي الضوء خافت وهادى اوي وشغلي اغنية هادية وتكوني بتنسجمى معاها

انغام مثلا ان شاء الله حتى بعرور :) بهزر
وغمضي عنيكي وخدى نفس عمييييييييييييييق وخرجى كل الرواسب اللي جواكي وتخيلي انك ممكن تسافري اي مكان
اختاري مكان بتحبيه
لو فيه ميه هتسمعي صوت الميه

وشوفي فارس احلامك بتحلمي يكون ازاي وتخيلي انه قدامك بيناديكي وبيكلمك
هتحسي بصوته في ودنك وهتحسي انه قريب منك بجد

شوفي نفسك تروحي معاه لفين

اقولك انا لما بكون في الحاله دي والجو حر بحس مش بحس ان في حرارة اساسا
ولو في زحمة مش بحس بوجود الناس

كملي وعيشي مع الاغنيه للاخر

واسرحي وعيشي وقوليلي عرفتي توصلي ليها ولا لا

مونتي بوكيه ورد يقول...

جميله اووووووووووووووووووووووووي
جسدت حياة شفتها بعيني واقع بجد مش خيال
والله بقولك كدا وبشوف كلامك قدامي بيتكرر .. مكنتش قريت الكلمه دي واقع مش خيال ..
الحاله اللي في الاحلام دي بنعيشها بجد واقع لما بتبقي طالعه بصدق من جوانا وبنحسها طالعه من قلوب لينا وحوالينا
دا مافيش احلي من كدا في الدنياا لي عوده طالما في العمر بقيه تسلم احاسيسك يا روح ال Vanilla

ليس فقيرا من يحب يقول...

لما قولتلك انى رقيقه اوى مكنتش بابالغ

انتى اثبتيلى فعلا انك ارق من الرقه

ربنا يسعدك يا حبيبتى ويحقق كل احلامك

vanilla scent يقول...

مونتي بوكيه ورد
ــــــــــــــــــ
سعيده ان حضرتك شوفتها واقع وربنا يسعد الناس ويحقق كل احلامهم

وميرسي جدا لكلامك

تنور المدونة اي وقت :)

vanilla scent يقول...

ليس فقيرا من يحب

ــــــــــــ

ياخبر كل دا

انا اتحرجت من كلامك بجد

ربنا يخليكي ياحبيبتي

ب بردو بجد انتي اللي رقيقه

ربنا يسعدك يارب :)

موناليزا يقول...

فعلا الحب حالة وياإما تعيشها يا إما ماتعيشهاش

-----------------

نهنئكم بحلول شهر رمضان المبارك أعاده الله علينا بالخير واليمن والبركات

ابراهيم رزق يقول...

رائحة الفانليا

و لما الواحد يفتح عينيه

تعرفى والله العظيم انا كنت بعمل كده زمان بالذات مع فيروز و سومة
لكن دلوقتى الموضوع ده اصبح حلم من احلامى يعنى انا بحلم احلم اعمل كده بسبب زياد و ساليناز
جميل ما كتبتى و عطر مثلك

كل سنة و انتى طيبة
رمضان كريم

mena يقول...

وصفتى الاحساس بالحب بطريقه حلوة اوى اوى اسلوبك جميل ومدونتك رقيقه زيك يا قمر فعلا اتبسطت اوى هنا هرجع تانى ازورك وهشترك ف مدونتك عشان متوهش منى تحياتى ليكى وكل سنة وانتى طيبه تقبلي مرورى ....منه

ريبال بيهس يقول...

صباحك ورد

جميلة حالة الحب لما نعيشها

بس الأجمل أن نخلقها بداخلنا

حتى نعيش تفاصيلها مع أنفسنا

وأنا أعتبر الجلوس مع النفس

هكذا هي حالة تأمل ونوع من رياضة

اليوغا تصفيها من كل الشوائب ..

تحياتي

عبدالله ( أوتار عذبة ) يقول...

مفيش اخلى من الحب
مدونة جميلة اتشرف بزيارتهــا

كل عام وانتم بخير
مبــاركـ عليكــم الشهر الفضيـــل
ربي يجعلكم من المقبولين
ويعينكـم على الصيــام والقيــام
/
\
/
تقبلوا طلتي
ودي

ليس فقيرا من يحب يقول...

كل سنه وانتى طيبه يا حبيبتى وتتعاد عليكى الايام وانتى بالف صحه وسعاده وراحه بال

شمس النهار يقول...

المهم ان الحب لما يجي
يبقا صح وحقيقي
كل سنة وانتي طيبة

blue-wave يقول...

جميله كلماتك
والأجمل احساسك

engy يقول...

بجد رائع فعلا
ماشاء الله بتديلنا امل جميل فى كل حاجه حلوة
رمضان كريم

نهر الحب يقول...

جميلة اوي
اقول ايه بس عارفة
لو بتحبي كل الناس حتحسي ديما باحاسيس حلوة اوي وحتلاقي الدنيا بتحضنك والكون بيفرح معاكي زي ما انتي واصفة كدة

يا ريت كل الدنيا تبقي حب يا ريت

vanilla scent يقول...

موناليزا

*********

اكيد ويارب الناس كلها تعيشها

وانتى طيبة ياقمر

vanilla scent يقول...

ابراهيم رزق

**********

ربنا يخليهم ليك يارب

ويفرحك بيهم

بس حاول تعيش الحاله دى عشان تقدر تستمر :)

وانت طيب دايما

vanilla scent يقول...

mena

********

ميرسي ربنا يخليكي
ومبسوطة جدا انك اتبسطى هنا

كل سنة وانتي مبسوطة :)

vanilla scent يقول...

ريبال بيهس

******

هي فعلا نوع من التأمل

وبيدي طاقة عشان نواجه تحديات الحياه

vanilla scent يقول...

عبدالله ( أوتار عذبة )

***********

فعلا الحب هو أمل الحياه

نورت المدونة

لك تحياتي

vanilla scent يقول...

ليس فقيرا من يحب

**************

وانتى طيبة دايما ياحبيبه قلبي :)

vanilla scent يقول...

ماما شمس

*********

ربنا يرزقنا الحب الحقيقي

كل سنة وانتي طيبة يامامتى

vanilla scent يقول...

د. عمرو

**********

ميرسي ليك


نورت المدونة :)

vanilla scent يقول...

انجى

****

في تفاصيل صغيره اوي بتمر علينا لو ركزنا فيها شوية هتلاقيها هى النور اللي بيدينا الفرحه والفرحه هي اللي هتدينا امل في بكره

ولازم تتاكدي اللي جاي اكيد احلي

نورتينى بجد ياانجي

vanilla scent يقول...

نهر الحب

*********

الحب = تفاؤل = حياه

كره = عبوس = موت

انسان بيحب نفسه وبيحب الاخرين وبيحب حتي العقبات اللي بتواجهه هتلاقيه محبوب وكل شئ بيعدى حتي ولو كان صعب

اما الكره هتلاقي الدنيا دايما مسدوده في وشه
اضحك للدنيا تضحك لك ..

نورتينى جدا ياقمر

دمتى بكل ود :)