الثلاثاء، 16 أغسطس، 2011

رمضان كريم

 

285437_196542303735656_117669581622929_514934_8319923_n

في البداية كل سنة والفرحه جواكم يارب Red rose

كام حد فينا مش في حد اتكلم عليه او اتسببله في مشاكل

اعتقد الجميع

رمضان بحس انه التربية الدينية المباشرة من  ربنا لينا بدون اي وسيط .. العبد وربه .. بدون شيخ .. بدون داعي

في بعض الايات لما تركز فيها اوي تدمع من عظمتها وقوتها

قال تعالى : " الذين ينفقون في السراء والضراء والكاظمين الغيظ والعافين عن الناس والله يحب المحسنين"

وانا نفسي ربنا يحبنى وعشان كدا هعمل اي حاجه ربنا  بيحبها عشان يحبنى

العافين عن الناس : لما قراتها سالت نفسي كام حد مر عليا وظلمنى او اتكلم عليا ( اغتابنى – نم عليا ) اكيد كتير .. طيب في خلال حياتي في ناس انا اعرفهم واعرف هما عملو ايه وفي ناس اغتابتنى وانا اصلا مش اعرفهم … صح

طيب انا اقدر اعفو بسماحه متناهيه عن اللي انا مش عارفه عنهم حاجه واغتابونى لمجرد انهم يسلو وقتهم

طيب واللي انا اعرفهم هل فعلا هقدر اعفو

فكرت ولقتني قسمتهم لاتنين .. ناس ظلمهم كان هين واقدر اسامح لهم من كل قلبي

طيب والناس اللي ظلمتني جدا وضيعت منى حاجات حلوه جوايا وبدلتها بحاجات انا مش حباها فيا  لانها مش من شخصيتى  لانها خلت فيا قناع يظهر .. خلت فيا جزء خايف من الناس .

هل هقدر اسامحهم ؟                        أه هقدر اسامح

لاني بحب ربنا اكتر منهم لان ربنا عوضني عن ظلمهم كتير كتير جدا

لانى بحب نفسي .. ومش احب نفسي تكون شايله من حد او نفسها تاخد حقها من حد

فقررت اني اعلن دا

ومن صميم صميم قلبي بجد

ان اي حد اساء ليا بجد مهما كانت اساءته انا مسمحاه جدا  وبحله كمان من الاساءة دى

اللهم أيما عبد أو أمة من أمة محمد صلى الله عليه وسلم اغتابني أو ظلمني أو بهتني أو قذفني أو قال في ما ليس في فإني قد عفوت عنه وتركتها له

يارب رمضان تكون بداية جديدة ليا وصفحه بيضا للجميع Red rose

 

250099_1872652417783_1285348119_31507565_6401663_n

اللهم انك عفو كريم تحب العفو فاعفو عنا يالله

هناك 9 تعليقات:

blue-wave يقول...

ياريت كل الناس تعمل زيك

نهر الحب يقول...

لا لالا

والله العظيم بفكر في نفس اللي انتي كاتباه بالحرف من اول رمضان وببكي لما بفتكر ناس طلموني وانا محتاجة اسامحهم وقررت اني اسامحهم فعلا عشان ربنا يبقي راضي

فرحانة انك قلتي اللي جوايا
:))
ربنا يعفو عنا ياااارب

شمس النهار يقول...

طول عمرك رقيقة
وطيبة
ربنا يكرمك
:)

ريبال بيهس يقول...

صباح الورد

ربنا يبارك فيك ويوفقك لأن دي هي

أخلاق المسلمين ...

تحياتي وإحترامي

vanilla scent يقول...

د عمرو

ياريت يادكتور ياريت بجد

vanilla scent يقول...

نهر الحب

تصدقى انا اللي فرحاااااااانة جدا انك مشاركانى الفكرة

ياااااارب يكرمنا ويفرج كربنا ويهدينا اجمعين

vanilla scent يقول...

ماما حبيبتى

ربنا يخليكي يارب دا انا عشان بنوتك بتقولي كدا

ربنا يخليكي ليا

vanilla scent يقول...

ريبال

صباح الزهور

ويبارك فيك وفي جميع المسلمين

ياريت فعلا كلنا نسامح بعض

الحياه هتكون اجمل بجد

الجوكر يقول...

رمضان شهر كريم

الأجر فيه مضاعف

والحسنات لاحصر لها

وحتى ننال الأجر والثواب

نفتح قلوبنا المغلقة بمفتاح التسامح

ونغلق مدن الأحقاد

نسرع فى هذا الشهر لنطرق أبواب الرحمة والمودة

لنرحم ضعيفنا ونوقر كبيرنا

نود القريب ونسأل عن البعيد

نزرع البياض في قلوبنا

ونتخلّص من السواد الذى داخلنا

...

جزاك الله خير لهذا البوست الرائع

وجعل كل حروفه فى ميزان حسناتك

كل سنه وانتى طيبه